Fars dıyoədə Amerkə əzəməti darışte sorəqardış
Imruj 4 şanbə hicri şəmsi 1399 nə sori mehr manqi 16 (2020 oktiyabri 7) islami inğilabi nığo doə sepah dıyo ğıvvon ruje və Fars dıyoədə 1 minnə kərə Amerkə ğeyre həğiğiyə əzəməti darışte bə yod vardedə.
Imruj 4 şanbə hicri şəmsi 1399 nə sori mehr manqi 16 (2020 oktiyabri 7) islami inğilabi nığo doə sepah dıyo ğıvvon ruje və Fars dıyoədə 1 minnə kərə Amerkə ğeyre həğiğiyə əzəməti darışte bə yod vardedə.
Miladi 1987 nə sori oktiyabri 8 nə ruji islami inğilabi nığo doə sepah dıyo ğıvvon fərmondonku qıleni şəhid Nadir Məhdəvi de 2 qılə hərbiyə lotkə və qıləy qədə kəşti Fars dıyoədə bə Farsi cəzirə tərəf hərəkət zəmanədə bə ım cəzirə rəsə vaxti Amerkə MS6 Kobra canqiyə vertəliyot İronıjə ğıvvon fərmon bıdə radarış hədəf qəte.
Şəhid Məhdəvi dərhal ıştə əmri jiyədə bə ğıvvonış bə deşmen cəvob doə əməliyatiyu cəlbış karde hələ çan dəğə fərmon bıdə mərkəzi radari arəku bardeku dəvardə nıbı ki Amerkəvıjon de qıləy rəket seph qıləy hərbiyə lotkə hədəf qətedə. Qeneral şəhid Məhdəvi və çəy həmrəzmon 15 dəğə daveku dəvarde bəpeştə de Stinqer rəketi Amerkə super Kobra hərbiyə vertəliyoti arəku bardə.
Nadir Məhdəvi dıştə qıləy həmrəzmi bə Amerkə vertəliyoton tərəf qullə ğandeədə oviku şəhidon və yarəjəon qırdə karde holədə be ki 20 dəğə ğəhrəmanə canqi bəpeştə bəji bə deşmenı çanq eqınedə.
Nadir Məhdəvi Amerkə yolə hərbiyə kışti dılədə deşmenı vəhşiyə işkəncəonədə dim bə dim bedə və çəy sinə de osınə mexi hıl kardən və dı tərtibi məzlomə holətədə əy bə şəhodət rosnedən.
