Amerkə unilateralizm siyasətonku bəpe tənğid bıbu.
İ bıə milləton təşkilati umumiyə icma 3 minə kamisiyaədə İroni nımoyəndə Amerkə unilateralizm siyasətonış dınyo bəşər həxon həğiğiyə təhdid bə hisobış varde və ım məsələ barədə umum təşkilaton sukuti tənğidış karde.
Bə İrna raporti əsos, Muhəmməd Zareiyan İ bıə milləton təşkilati umumiyə icma 3 minə kamisiya tojə iclosədə ki Bəşər Həxon Şura aliyə kamisser Mişel Başle həm əyo işterakış kardə be, unilateralizm siyasətonış dınyoədə qələy həğiğiyə təhdid iyən bəşər həxon oqətey vədə mane bə hisobış varde və votışe: bə İroni millət jiğonə i tərəfi zalimanə icbor bıə siyosəton təsir və hevujəti ısət Korona şərayeti zəmonədə şiddətin bıə.
İ bıə milləton təşkilati umumiyə icma 3 minə kamisiyaədə İroni nımoyəndə əlovəş karde: İroni şahrvandon xususi jenon. herdənon və piyə odəmon ki tib və səhiyəvi xidməton bo əvon lazime ısət həminə iğtisodi və səhiyəvi terrorizmi jintonədə təziğon tov vardedən.
Muhəmməd Zareiyan çı Amerkə unilateralizm siyasətonku ıştə təəssufi bəyon iyən təkidış karde: çand milyon nəfər ısət dınyoədə həminə i tərəfi unilateralizm rəftoron jintonədən əmmo məvuji hələ ım cinoyət və qenosid çı bəşər həxon təşkilati diğğəti bəştə tərəf cəlbış kardə ni.
Ğeyd kəmon ki İ bıə milləton təşkilati umumiyə icma 3 minə kamisiya tojə iclos de Bəşər Həxon Şura aliyə kamisseri işteraki və onlayn surəti bərpo bıə.
