Ərağçi: islomiyə məmləkəton bəpe bə fələstinıjon tojniye mane bıbun

İron İslom Respublika xarici koon vəzir, beynəlxalğə ictimaiyyəton və islomiyə həmkoəti təşkilati səviyədə, İron və Əlcəzayerı həmkoətion zumand karde əhəmmiyyətiku, fələstinı milləti həğiku himoyə kardeyu təkidış karde.

İroni xarici koon vəzir seyd Əbbas Ərağçi 3 şanbə şəvi de Əlcəzayerı xarici koon vəzir Əhməd Ətaf, 2 tərəfə rabitə iyən məntəğə və beynəlxalğə səviyədə əvəzon həxədə votımonışon karde.

Bə pars todey xəbəron əsosi Ərağşi ım votımonədə sionist rejimi Ğəzzə və İordanı ru ğərbiyə sahilədə bə fələstinı işğaliyə sərzəmini zid cinayəton şiddətin beku işarəş karde və mıtəmadiyə holətədə çəvon bə livani zid cinayətonku  sıxan kardeədə, islomiyə məmləkəton miyonədə həmkoəti və həmohənqəti ve beş tələb karde.