Ayətullah Cəvadi Amuli: Bə İslam Peyğombər(s) ihonət karde de əğıl mıvofiğ ni.

Yolə mərcəe təğlid Ayətullah Cəvadi Amuli votışe: İslam dini peyğombər(s) bə həmmə bəşəriyəti qi həxış heste və bə jığonə şəxsiyyəti beədəbəti iyən tovhin karde de hiç əğıli məvofiğ ni.

Bə İrna raporti əsos, Həzrəte Muhəmməd(s) barədə bə Fransə Şarli Hebdo nəşriyə ihonət omizə karikatori ijən muntəşir bey reaksiya nışo doe çərçivədə zinə Ayətullah Cəvadi Amuli bə dışmınon fitnəkorə planon vədə huşin mande zəruriyyati təkidış karde və votışe: kom kəson ya tərəfon qıləy daxıli ya xarıci ixtilofon yaxot vikoləti canqi icod karde pidəşone.

Fransə Şarli Ebdo nomo rujnomə tojədən İslam Peyğombər(s)-i ihonət amizə karikatoron muntəşirış karde.

Fransə prezident Emanoel Məkron həm demokrasiya iyən diplomatik prinsipon əks elanış karde ki Fransə həmçenan İslam Peyğombər(s) barədə ihonət amiz karikatoron muntəşir bəkarde.

Fransədə bıə jığonə anti islam hərəkəton məhkum kardeyro vey islami kişvəronədə eterozinə kompaniya və aksiyaon bərpo bıə və millət ıştə norohəti iyən ğeyzi nışo doydən.