Əmirəbdullahiyan: Ərəbiston bə sionist rejim xoşxidməti kardeyku dast bıkəşi.
Beynəlxalğ koonədə İroni islami şura məclesi rəisi məxsus məsləhətçi votışe: Ərəbiston vey çok bəbe ki bə sionist rejim xoşxidməti kardey əvəzi bəştə hamsoyə kişvəron ehteron bınə.
Bə İrna raporti əsos, Beynəlxalğ koonədə İroni silami şura məclesi rəisi məxsus məsləhətçi Huseyn Əmirəbdullahiyan bə Ərəbistoni kerali tojə beməxə sohbəton reaksiya nışoş do və ıştə Tvitterədə nıvıştışe: bə Yəmən təcavuz kardə Ərəbistoni keral ki çəy kişvər de Amerkə plani soxtə bıə DAEŞ terroristə qurupi kənoədəd Suriyə, İrağ, Yəmən iyən Livanədə cinoyəton bə nav bardedə həxış ni İroni barədə ittihomon yaxot be əsossə hohbəton bəyon bıkə.
Beynəlxalğ koonədə İroni silami şura məclesi rəisi məxsus məsləhətçi təkidış karde: İron həmmişə məntəğədə həğiğiyə sulh iyən hamsoyə kişvəron əmniyətış pidə.
Tojədən Ərəbistoni keral ım kişvəri məclesi ojbemon mərosimədə de qıləy be əsosə be məxə sohbəton vositə İronış çı məntəğə həmməy behronon rişə iyən xərobkaranə siyosəton amil elanış karde.
