De Həzrəte Xanım Fatimə Məsumə(s) bəfotه sorqardışi mınosibəti səbıəsəloməti.

Imruj pencşambə Rəbiosani manqi 10, de şiəyon 8-ə İmom Həzrəte Rıza(ə) qiramiyə hovə Xanım Fatimə Məsumə(s) bəfot sorqardışi bərobəre.

Həzrəte Xanım Fatimə Məsumə(s) pokə hərəm, İroni Ğom mığəddəsə şəhrədəy, ım şəhr çı şiəyon 7-ə İmom Həzrəte Musə Kazim(ə)-i qiramiyə hovə bəfot sorəqardışi xoto matəmədəy.

Ğomi cəmaət iyən şahrvandon zinə şəviku de Kərimeye Əhli-Beyt(ə)-i rehləti həmzəman siyoh və ğəm boydəği rost kardəşone ta bə ım aliğədr iyən məhtərəmə xanımi ıştə eşğ və irodəti nışo bıdən.

Har sor həminə mınosibəti xoto Ğom muğəddəsə şəhrədə bıə Həzrəti pokə hərəm de əzodorə cəmaəti pur əbi əmmo ımsor Korona virusi xoto Əhli Beyt(ə) aşiğon çı şiəyon 7-ə İmomi qiramiyə kinə Həzrəte Xanım Fatimə Məsume(s) matəmədə mərosimon məxsus surəti diyəroyku iyən de sosiyal şəbəkəon vositə dəvoneydən.

Zinə şəv həm səhiyyəvi porotokolon rioyət karde xoto Xanımi pokə hərəmiku nohə, nıtğ iyən ziyorət mərosimon sərost İroni televeziya kanalonədə pəxş be.

İroni Rəşt şəhri Tolışi Rədio koəkəyon tərəfo ım matəmə ruji, Xanım Fatimə Məsumə(s) Kərimeye Əhli Beyt(ə) bəfot karde sorqardışi bə şımə təsliyət ərz kardəmon.