İroni Yolə Rəhbər, bə Ayətullah Yəzdi bəfoti xoto təsliyətış vote.

Həzrəte Ayətullah Xamenei, Ğomi hozeye elmiyə ustadon icma rəisi bə rəhmət şe səbəsəlomətiş vote.

İroni Yolə Rəhbər Həzrəte Ayətullah Xamenei ıştə mesajədə Ayətullah Yəzdi bəfoti təsliyət vote bəpeşt bə yodış varde: inğilobi sabiğə, tağut dovranədə mubarizəon, inğilobi həmmə meydononədə daimə işterak, İroni məhkəmədə muxtəlif məsuliyəton, kanistusiya muhafizə əkə şura və xobreqn rəhbəri aliyə məclisədə uzviyət həmçenin çandə elmi və feğh sahədə fəaliyəton ım yolə alimiku vey komil və təsirinə şəxsiyətış bə vududış vardə be.

İroni Yolə Rəhbər əlovəş karde: bə inğilobi prinsipon zumandə imon və çəy səpe mande həmçenin dini və inğilobi ğəyrət həminə ehterominə şəxsiyəti coqılə barzə oşkorə nəşonə be.

Həzrəte Ayətullah Xamene ıştə təsliyət mesajədə Xıdoku bo Ayətullah Yəzdi İlahi rəhmət iyəm məğfirəti orzoş karde.

İroni muxtəlif rəsmi şəxon de səbəsəloməti mesaji vığande Ğomi hozeye elmiyə ustadon icma rəis Ayətullah Yəzdi bəfoti təsliyət votışone.

Ayətullah Yəzdi ki çand manq bənaviku iyən mədə norohəti xoto noxəşxonədə be, çandə İslam və İroni inğilob roədə mucahidət iyən zidməton bəpeşt, zinə 89 sorəti sinədə bəfotış karde.