Avropa bəpe İroni daxıli koonədə mıdoxilə nıko.

İroni xarıci vəzarətxonə sıxanəvot İronıjə xəyonəxkorə edam bıə cəsus, Ruhullah Zəmi edami barədə mıdoxilə əkə bəyoniyə məhkum və bə çəvon ım siyasi ko İroni eterazi bəyon karde xoto Fransə və Almaniya səfiron anq kardeyku xəbəş do.

Bə İrna raporti əsos, Səid xətibzodə votışe: Bə Fransə iyən Almaniya səfiron votımone ki İronədə tojə edam bıə ccəsus ıştən bəştə əmniyəti koon və xəyonəton eterof və izhorış kardə ki devmuxtəlif anti fəaliyəton və puli əvəzi bo ğərb iyən sioniston cəsusətiş kardəşe.

Xətibzodə əlovəş karde: ijən təsdiğ bıə ki de kom standardi Avropaədə bəyoniyədə xiyoboni eterazon mudiritət, bomba soxte təlimon və qıləy hakımiyəti miyoniku bardeyro de cəsusə təşkilaton həmkari karde jurnalistəti ko hisob bıə?

Anti İron pisixi və təbliği canqi qıləy məşhurə lider Ruhulla Zəm ki hətto İroni alirutbə hərbi fərmondəhon əcumlə Şəhid Ğasim Suleymani və çəy koon barədə informasiyaon bə dışmonon ifşo kardəş be, de cəsusəti hıkm tojədən İronədə edam bıə.