İron İslam Respublika prezdent:İroni sanksiyaon bəpe bə oxo bırəson
İron İslam Respublika prezdenti votışe: bə İroni zid zılminə sanksiyaon bəpe bə oxo bırəson.
İron İslam Respublika prezdenti votışe: bə İroni zid zılminə sanksiyaon bəpe bə oxo bırəson.
İron İslam Respublika prezdent Həsən Ruhani zinə de daxili və xariciyə jurnaliston təşkil doə iclosədə votışe: İroni devlət icazə nibədoy zılminə sanksiyaon oxo doe bə təxir eqıno və əlavəş karde Amerkədə tojə devləti bə ko omeədə şərayet əvəz bəbe eyne holədə əqər Amerkə ısətnə prezdent həm əmandi şərayet əvəz əbi.
İron İslam Respublika prezdenti votışe: devlət dıştə həmmə ğıvvə nahaştışe atom sazış nabod bıbo və əlavəş karde Amerkə ısətnə prezdent Donald Trampı əsosə hədəf atom sazışi nabod karde be ki ım koədə muvəfəğ nıbı.
Prezdent Ruhani votışe: atom sazışi bəji oqəte və məntəğə əmniyətiyu həmkoətion ha 2 qılə,İron islam Respublikayu ve muhimme və beynəlxalğə ictimaiyətonədə Trampı bə İroni zid fəaliyəton muvəfəğ nıbe dəlil İron de coqlə məmləkəton iyən 4+1 həmkoəti be.
İroni prezdenti əlavəş karde İron İslam Respublika dınyo həmmə məmləkəton xususi de Rusiyə və Çin rabitə inkişaf doe niyyətdəy və de Avropa itifaği iyən hamsoyə məmləkəton çokə rabitəş heste.
İron İslam Respublika prezdent İroni mıdafiə və atomi yolə alim şəhid Muhsin Fəxrizadə terrorış ə kəson koş zınə ki pidəşon be Trampı bevəcə hukuməti oxonə rujonədə məntəğədə canq icod bıkən və ım qıləy holədəy ki şəhid Fəxrizadə terroriku sionist rejimi əsosəı məğsəd məntəğə noəmn karde və Trampı hukuməti oxoədə canq icod karde be.
Prezdent Ruhani votışe:İslamiyə Respublika şəhid Fəxrizadə xuni intiğami se ıştə həx zındəy və qıləy çokə vırə iyən zəmanədə ım ko əncom bədoy və əlavəş karde İron İslam Respublika icazə ədə ni cokəson çəy zəman və məkani təin bıkən.
İron İslam prezdent eyne holədə əlavəş karde məntəğə oroməti İslamiyə Respublikayu ve muhimme və həminə məsələ xoto “Hormozı sulh” planış Fars dıyoru təğdimış karde ki ım plan dəvardə sori İ bə milləton təşkilati umumiyə asambleyaədə bə miyon omə və Fars dıyo 6 qılə məmləkət iyən irağiyu vığandə be.
