İroni xarici koon vəziri de Ərəbıstonı vəliəhdi vindımonış dəvoni

İroni xarici koon vəzir de Səudiyə ərəbıstoni vəliəhdi vindımonədə məntəğə əvəzon təhlil bin və məntəğədə bə əmniyyət və oroməti zumand karde əhəmmiyyəti təkid be.

Bə telerədyo aqentəti nəğli əsosi pars todey xəbəş doə ironi xarici koon vəzir seyd Əbbas Ərağçi Cəddə şəhrədə de Ərəbıstonı vəliəhd Muhəmməd Bin Səlman Ale Səud vindımonədə ım məmləkəti siyasəton xoto israil rejimi bə ironi zid hərbiyə hucumon məhkum kardeyu iyən məntəğədə əmniyyət və oroməti zumand kardeyu Ərriyadı cəhdonku ğədrdanətiş karde.

Səudiyə ərəbıstonı vəliəhd ommidvarətiş karde İron və sionist rejimi miyonədə otəşvəsi sazış bə məntəğə əmniyyət və oroməti zumand karde komək bıkə.