Avropa parlamenti anti İron təsdiğ bıə ğətnomə vədə İroni reaksiya.
İroni məhkəmə təşkilati beynəlxalğ koon iyən bəşər həxon şobə muavin votışe: kəsoni ki bə hırdənon dəvo-damon rosniye vəy qətəşone heyvonon həx-huğuği barədə sohbət karde icozəşon ni.
Əli Bağıri Kəni Avropa parlamentədə tojə təsdiğ bıə anti İron ğətnomə barədə əlovəş karde: ımruj avropa kişvəron bə İroni hırdənon dəvo-damon rosniye vəy qətəşone, andədə ki ım cinoyət çandə çı İronıjon coni qətəşe ya xot çəvon səloməti təhdid kardeydə, çən Avropa bəpe bəşər həxon barədə iddio nıko.
İroni məhkəmə təşkilati beynəlxalğ koon iyən bəşər həxon şobə muavin bəşər həxon barədə Avropa anti İron təsdiğ bıə ğətnomə tənğidış karde və votışe: Avropa kişvəron anədə xəbis bıə ki bə qıləy cəsus ki İroni ətomiyə alimon terrorədə oşkorə rolış be və ısət zindoniye isveçi tabeiyəti dodən.
Bağiri təkidış karde: Avropa aqah bıbu ki İronədə inğilobi qıləy illəton bənə Kapitolasiyon ğanun be ki de Şah rejimi xəyanəti təsdiğ bıə, əmmo ısət bənə jığonə ğanun İronədə ni ki bə xarıci ğıvvon beğanunə hərəkəton və cəsusəti karde icozə bıdə və hətto əks İroni məhkəmə təşkilat icozə nibədoy ki xarıcion bə İroni millət qədə zərər-ziyoni varid kon.
Əv ıştə sohbəton co baxşədə həm votışe: bəşər həxon barədə raporton hozzı kardeyro bə İron səfər karde lozim ni, fəğət bəpe Avropa Parlamenti dəhlizədə çok diyə bıbu ta bə İroni 17 həzo be qınohə şahrvandon xuni çəvon dast alodə bıə terrorçion pəydo kənən.
