Əmirəbdullahiyani bə Borrel xitob: bəpe bə Ğəzzə israil rejimi həmləon oqətə bıbu
İroni xarıci vəzir, Avropa ittifoği mıştərəkə əmniyyəti və xarıci siyosəti rəsmi şəxsku tələbış kardə ki de diğğət bə sionist rejimi cinoyəton dəvom, bə Ğəzzə tanqə işğolçiyə rejimi həmləon daimə oqəteyədə və işğolçiyəti sə bıey və mıhosirə peqəteyədə, vey təsirinə qəmon peqətə bıbu.
Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.
Bə xarıci vəzorətxonə sıxənəvot və məlumatərosnə idorə raporti əsos, İroni xarıci vəzir Huseyn Əmirəbdullahiyan bə Avropa ittifoği xarıci siyosəti rəsmi şəxs, Cozep Borreli məktobi cəvobədə, sionisti qədə şəhron sakin bıə kəsoni barədə çəy oxonə nəzəonku himoyə. kardə və çəyku tələbış kardə ki de diğğət bə sionist rejimi cinoyəton dəvom, bə Ğəzzə tanqə işğolçiyə rejimi həmləon daimə oqəteyədə və işğolçiyəti sə bıey və mıhosirə peqəteyədə, vey təsirinə qəmon peqətə bıbu.
Ğəzzə tanqədə sionist rejimi cinoyəton oqəteyro İron İslom Respublika cəhdon və hərəkəton dəvomədə, İroni diplomatiya təşkilati sədr, Huseyn Əmirəbdullahiyan bə Avropa ittifoği xarıci siyosəti rəsmi şəxs Cozep Borreli xitob, məktobi cərəyonədə otəşvəsi icod kardey və çəy stabiləti cəhdon zərrurət, Ğəzzə tanqədə molki şəxson ğətli-ami oqətey, humanitarə koməkon beynəlxalğə həxon rioyət kardey və Ğəzzə be pənohə millətiro ehtiyocinə təcili koməkon vığandey diğğəttinə məsələ bəyonış kardə.
