Zərif: İron 20 faiz qəncin bıə urani istehsal prosesi binoş karde.
İroni xarıci vəzir votışe: İron bəştə parlamenti tojə təsdiğ bıə ğanuni əsos, 20 faiz qəncin bıə urani istehsal prosesi binoş karde.
Bə İrna raporti əsos, Muhəmməd Cəvad Zərif, ıştə tojə Tuvitter mesajədə nıvıştışe: İroni ətomiyə fəaliyəton barədə tojə ğərol çimi bənav iyən ğanuni surəti bə ətom enerji beynəlxalğ təşkilati elan be.
Zərif təkidış karde ki İroni əvəzi bıkardə siyasəton de ətomiyə sazışi 36-ə baxşi bərobər əncom bıə və İron çənd sor bənav bə ım muğavilə coili surəti əml karde bəpeşt 20 faiz qəncin bıə urani istehsol prosesi binoş karde.
İroni xarıci vəzir, ıştə Tuvitter mesaji dəvomədə əlovəş karde: çəmə tərəfo tədbiron jəğo dəvom peydo bəkarde ki əqə ətomiyə sazişi həmməy tərəfon bəştə qiədə bıə ehdəmonon əməl kin İroni ijən bə ətomiyə muğavilə həmməy baxşon oqardey imkon bəbe.
