Həzrət Ayətullah Xamenei: Amerkə ıştə foydə məntəğə no əmniyədə vindəy.

İslami inğilabi yolə rəhbəri votışe : Amerkə məntəğə no əmn karde domoədəy və votışe İroni huzur məntəğədə bə əmniyyət bois bedə.

İslami inğilabi yolə rəhbəri votışe:Amerkə məntəğə no əmn karde domoədəy və votışe: İroni huzur məntəğədə bə əmniyyət və oroməti bois bedə İslami inğilabi yolə rəhbəri Həzrət ayətullah Xamenei ımruj Ğom şəhri odəmon dey manqi 19 minnə ruji ğiyami sorəqardışi mınosibəti ıştə ehandımonədə bə ım məsələ işarə kardeədə ki Amerkə cəhdon İron və məntəğə no əmn kardeyoy,əlavəş karde Amerkə ıştə faydon ısətnə şərayetəndə məntəğə noəmn kardeədə vindəy məqər ım ki ıştən komilə sorətədə məntəğə bəştə çanq bıqəto.Həzrət ayətullah Xamenei ,islamiyə Respublika və de Amerkə rəhbərəti istikbar cəhbə miyonədə tikrariyə problemon,sank siya məsələ, məntəğədə İroni zumandə huzur, və İroni mudafiə və rəketinə zumandəti məsələ həxədə işarəş karde və votışe: ğərbı cəhbə və çəmə deşmenon vəzifədo hestin ki bə ım xain iyən xəbisə hərəkəton  və de İroni millət yol və be cəhətə deşmenəti yəni İroni milləti de sanksiya dim bə dim karde oxo bıdən.

İslami inğilabi yolə rəhbəri eyne holədə votışe: İroni məclis və devləti ğərol atom sazışi vədəon ləğv kardeyu qıləy səhih və kamilən mənteği və əğlımandə ğərol be və  əmə əy ğəbul kardəmon və votışe:  əmə heç qılə  əcələmon ni ki Amerkə bə atom sazış oqardo.

Həzrət Ayətullah Xamenei votışe: Amerkə və İnqiltərə peyvənd(vaksən) bə İron daxil karde ğədəğəne və əlavəş karde əqər Amerkəvıjon zınəşonbe peyvəndi istihsal karde çəvon məmləkətdə jıqo rısvoçiyəti bə nav nəvoy.