Qeneral mayor Hacizadə: islami inğilabi nığo doə sepah ğıvvəndə tojə ğudrət(zumandəti) ofəyə bə.

İslami inğilabi nığo doə sepah aviyasiya ğıvvə fərmondə votışe: rəketi tojə ğobiliyəton iyən be pilotə təyyarəon əməliyati tərkib və soniyə huşinə texnoloqiyaku istifadə karde ım ğıvvəndə tojə ğodrətış icod kardə.

İslami inğilabi nığo doə sepah aviyasiya ğıvvə fərmondə votışe: rəketi tojə ğobiliyəton iyən be pilotə təyyarəon əməliyati tərkib və soniyə huşinə texnoloqiyaku istifadə karde ım ğıvvəndə tojə ğodrətış icod kardə.

Qeneral mayor Əmir Əli Hacizadə əzəmətinə peyğəmbər(s) 15 nomo bə hərbiyə  təlim devrə 1 minnə mərhələ bərpo karde kənoədə,ım hərbiyə təlim devrə 1 minnə mərhələş bə deşmeni zumandə mərkəzon iyən mudafiə vıron hucum bardeku  iborətış zınə və əlavəş karde ım hərbiyə təlim devrə 1 minnə mərhələ qıləy tərkibiyə əməliyat be pilotə təyyarəon və rəketonku bəhrə bardeədə əncom bə.

Qeneral mayor Hacizadə votışe: hərbiyə təlim devrə ım mərhələdə əvvəl be pilotə təyyarə sistem bə xəyolinə deşmeni mudafiə iyən bə həvo zid  sistemon hucumış barde və çan ləhzə çəy bəpeştə  ğandə bə rəketon deşmeni mıxtəlif baxşonış arəku barde.

Qeneral mayor Hacizadə əzəmətinə peyğəmbər(s) 15 nomo bə hərbiyə təlim devrədə oko doə bə taktikonış ,dəvardə  soron təcrubəon iyən hərbiyə təlim devrəon nəticəş zınə və əlavəş karde rəketon tojə nəsli iyən hucum kardə be pilotə təyyarəonku istifadə karde tojə zumandətiş ofəyə.

Əzəmətinə peyğəmbər(s) 15 nomo bə hərbiyə təlim devrə 1 minnə mərhələ İslami İnğilabi nığo doə sepah aviyasiya ğıvvon  rəket və be pilotə təyyarəon tərkibiyə əməliyati icraədə İroni mərkəziyə kəviri umumiyə məntəğədə bərpo be.