Bo Abanə manqi 13 minnə ruji aksiyaro, həmohənqion

Abanə manqi 13 minnə ruj, bə istikbor zılmi ələyh, İroni yolə milləti həxtələbəti vanq iyən hərəkət

Qilonədə vəli fəğih nımoyəndə votışe: Abanə manqi 13 minnə ruj, de istikbor iyən zılmi mobarizə bardey royədə, bo İroni yolə milləti həxtələbəti hərəkəti nışo doeyro qıləy fırsəte.

Bə Qiloni Tele-Rədio aqentiyəti raporti əsos, Qilonədə vəli fəğih nımoyəndə, Rəştədə Abanə manqi 13 minnə ruji aksiya bərpo bey həmohənqi ğərorqo iclosədə votışe: Abanə manqi 13 minnə ruj, İroni yolə milləti de istikbor mobarizə bardey simvole ki ım sərzəmini cıvonon huşinəti iyən dərki sayədə, de istikbor və zılmi mobariz bardey prosesədə bə vey muhimmə mərhələ təbdil bıə.

Ayətullah Fəlahəti ijən təsdiğış kardə: ımsor həm ım milləti həxtələbəti hərəkət, de ayəndə soxtə və nuyə nəsli mehvəriyət, məzlumon və ozodtələbonku mudafiə kardey royədə, İslomi İnğilobi oşkoə mesajış bə dınyo həmmə kəson quş bərosne.