Suriyə 1 minnə vəzir bə Tehron daxil be.
https://parstoday.ir/tly/news/iran-i2482-suriyə_1_minnə_vəzir_bə_tehron_daxil_be.
Suriyə 1 minnə vəzir zinə şanqo de ironi rəsmi şəxson votımon karde məğsədi iyən ixtisadi və siyasiyə baxşonədə 2 tərəfi miyonədə imza bıə təvafuğnaməon domo qəte həmçinin de terarizm mubarizə kardeyu həmkarətion inkişaf doeyu bə Tehron daxil be.
(last modified 2026-02-26T16:39:52+00:00 )
Jan 17, 2017 06:17 Asia/Tehran
  • Suriyə 1 minnə vəzir bə Tehron daxil be.

Suriyə 1 minnə vəzir zinə şanqo de ironi rəsmi şəxson votımon karde məğsədi iyən ixtisadi və siyasiyə baxşonədə 2 tərəfi miyonədə imza bıə təvafuğnaməon domo qəte həmçinin de terarizm mubarizə kardeyu həmkarətion inkişaf doeyu bə Tehron daxil be.

Bə İRNA xəbon əsosi Suriyə ixtisad sənaye xariciyə ticarət və nat iyən mədəniyə mənbəon vəziron həmçinin Suriyə mərkəziyə banki rəis de Emad Xəmis bə iron səfərışon kardə.

ironi milli əmniyyəti aliyə şura dəftərxonə zinə elanış karde Suriyə 1 minnə vəzir Emad Xəmis bə tehron təşkil doə səfər ironi milli əmniyyəti aliyə şura katib Əli Şəmxani bə Suriyə dəvardə haftə təşkil doə səfəri bəpeştə və de ım məmləkəti ali rutbəinə rəsmi şəxson vindımon karde vədə əncum bə.

2 qılə məmləkəti muzakiron dəvom iyən ixtisadi siyasi və əmniyyətiyə baxşonədə təvafuğnaməon domo qəte və suriyədə tojə bə dast omə nəticon hifz karde və əvoni inkişaf doe məxsusən hələbı ıstratejiyə şəhri ozod karde həxədə muzakiron Emad Xəmis və Şəmxani votımonon əsosə  muvzoonku bəbe.