İron və Suriyə miyonədə 5 qılə həmkariyə sənəd imza be.

İron İslam Respublika və Suriyə 5 qılə həmkariyə sənədışon imza karde.

Bə İRNA xəbon əsosi İron İslam Respublika prezidenti 1 minnə muavin Eshağ Cəhanqiri və Suriyə 1 minnə vəzir huzurədə 2 qılə məmləkəti rəsmi şəxson 5 qılə həmkariyə sənədışon imza karde.

Suriyə Əlşərğiyyə nomo bıə fosfor mədəni istihsal və bəhrə barde ironi tərəfiku  əcumlədə muhimmə sənədonku be ki zinə ironi ixtisadi və maliyə koon vəzir Əli Təyyebniya iyən Suriyə ixtisad vəzir Ədib Miyalə tərəfiku imza be.

Suriyə 1 minnə vəzir pəynə şanqo qıləy aliyə heyəti sədrədə bə tehron səfərış kardə mbe və zinə sıb İron İslam Respublika prezidenti 1 minnə muavin Eshağ Cəhanqiri rəsmiyə holətədə bə çəy və beşı.