İslamiyə İronədə Ğədrı fəzilətinə şəvon 1 minnə şəvi mərosim bərpo be.

Ğədrı veyə fəzilətış bə şəvon 1 minnə şəvi əhyo mərosim korona virusi pevılo be vəy təyeui bə səhiyə protokolon diğğət doə şərayetəndə İslamiyə İroni sərosərədə bərpo be.

Ğədrı veyə fəzilətış bə şəvon 1 minnə şəvi əhyo mərosim korona virusi pevılo be vəy təyeui bə səhiyə protokolon diğğət doə şərayetəndə İslamiyə İroni sərosərədə bərpo be.

Imomət və vilayəti aşığon zinə şanqo mubarək rəməzanə manqi 19 minnə şəvi, məçiton, təkiyəon, huseyniyəon, təbərrıkinə tıbəon və İroni sərosərədə coqlə məzhəbiyə vıronədə cəm bin və Kərimə Ğıroni təlovət kardeədə desbə sıbə vaxt əlğos əlğos vote vote, coşəne kəbir dıvo iyən ilahi əzəmətinə nomonışon bə zıvon varde.

Əhle beyte ismət və təharət(ə) məddahom həm molaye mottəğiyan Həzrət  Əli(ə) həxədə nohə iyən mərsiyəşon hande.

Mubarəkə rujə manqi 19,21 və 23 nə şəvon Ğədrə şəvonku hestin və mıslmonon bə şəvnə oğo mandən Kərimə ğıron bə sə qətedən coşəne kəbir dıvo handən və dıştə pərvərdiqari bə ibodət məşğol bedən.

Ğədrə şəv şəvi heste ki, sori dıroziədə heç şəvi bə çəy fəzilət rəsdə ni və əməl bəvədə  1 həzo əməlisə bəpeye və bəvədə insoni 1 sori təğdir nıvıştə bedə.

 Hicri ğəməri 40 minnə sori rəməzanə manqi 19 minnə ruji sıbə vaxtədə xəvarecı qrupiku İbne Molcəm Moradi qıləy holədə ki Həzrət imom Əli(ə) sıbə nımoji vote holədə be, zəhrinə çımşiş bə həzrəti mubarəkə sə jeşe.

Həzrət imom Əli(ə) zərbət harde bəpeştə kədə hıte və 2 ruj bəpeştə yəni mubarək rəməzanə manqi 21 minnə ruji bə şəhodət rəsə.

İron İslam Respublika telerədyo mubarəkə rəməzanə manqədə ,xususi Ğədrə şəvonədə həmmə mıslmonon ibadəton ğəbul be mıtəalə Xıdo dərqahku tələb kardedə.