İslamiyə İron Həzrət Əli(ə) şəhodəti matəmədəy.

İslamiyə İron,dınyo şiəyon əvvəlnə imom molaye mottəğiyan Həzrət Əli(ə) şəhodəti matəmədə, sərosər ğəm və norohətiədən.

İslamiyə İron,dınyo şiəyon əvvəlnə imom molaye mottəğiyan Həzrət Əli(ə) şəhodəti matəmədə, sərosər ğəm və norohətiədən.

Imruj hicri ğəməri 1442 nə sori rəməzanə manqi 21 bərobər de miladi 2021 minnə sori mayə manqi 4,dınyo şiəyon əvvəlnə imom Həzrət Əli(ə) şəhodəti sorəqardışe.

İslamiyə İroni sərosərədə bıə mominə millət ımruj mıxtəlif əzadariyə mərasimonədə iştirak kardeədə dınyo şiəyon əvvəlnə imom Həzrət Əli(ə) şəhodəti matəmədə ğəmqin və əzadarin.

Əhle beyte ismət və təharət(ə) ailə aşığon İroni sərosərədə dınyo şiəyon əvvəlnə imomi şəhodəti sorəqardışədə huseyniyəon,təkiyəon, məçiton və ıştə kəy bədə siyohə matəmə pərçəmon ehaşteədə bə Həzrət Əli(ə) şəhodəti matəm nıştin.

Zinə şanqo həm Həzrət Əli(ə) şəhodətə şəvədə İslamiyə İroni millət molaye mottəğiyanı matəmədə arsışon əkarde.

Hicri ğəməri 40 minnə sori mubarəkə Rəməzanə manqi 19 minnə ruji sıbə vaxtədə Xəvarecı qrupiku İbne Molcəme Moradi qıləy holədə ki dınyo şiəyon əvvəlnə imom Həzrət Əli(ə) sıbə nımoji vote holədə be de zəhrinə şımşi bə həzrəti mubarəkə sə zərbəş jə.

Həzrət İmom Əli(ə) zərbətiku bəpeştə kədə hıte və 2 ruj bəpeştə yəni rəməzanə manqi 21 minnə ruji bə şəhodət rəsə.

İron İslam Respublika telerədyo mubarəkə rujə manqədə həmmə mıslmonon ibadəton ğəbul be orzo kardeədə şiəyon əvvəlnə imom iyən dınyoədə ədoləti tələb kardə kəson rəhbəri şəhodəti əyyami təsliyət votedə.