İslami inğilabi yolə rəhbəri:sioniston ğəyrəz zu zıvoni co çi dərəstə nin

İslami inğilabi yolə rəhbəri zinə əsrə vaxti de vidio konfrans roy tələbəon təşkilati nımayəndonədə vindımonış təşkil do və işarəş karde sioniston ğəyrəz zuə zıvon co çi famedə nin və əlavəş karde Fələstinıjon bəpe ıştə ğıvvə iyən mığaviməti zumand kardeədə cinayətkaron bə təslim be və vəhşiyə hərəkəton ğət karde məcbur bıkən.

İslami inğilabi yolə rəhbəri zinə əsrə vaxti de vidio konfrans roy tələbəon təşkilati nımayəndonədə vindımonış təşkil do və işarəş karde sioniston ğəyrəz zuə zıvon co çi famedə nin və əlavəş karde Fələstinıjon bəpe ıştə ğıvvə iyən mığaviməti zumand kardeədə cinayətkaron bə təslim be və vəhşiyə hərəkəton ğət karde məcbur bıkən.

Bə yolə rəhbəri məlumat ərosnə mərkəzi elanon əsosi Həzrət Ayətullah Xamenei ım vindımonədə dəvardə rujonədə islam dınyo 2 qılə tel və xuninə hadisə yəni Əfğanistan və Fələstinı hadisonku de şiddəti ıştə təəssufış elan və eyne holədə ım cinayətış məhkum karde və votışe: Xıdo lənət bə cinayətkaron ki Əfğanistanı məzlum və be qınohə hırdənon ki  bənə tojə vıli mandə bin pər pərışon karde və əvonışon bə şəhodət rosni və ım noperəsə kinə şoqirdon bə şəhodət rosneədə cinayətışon tosə ım həd inkişafışon do.

İslami inğilabi yolə rəhbəri eyne holədə Ələğsa məçit, Şərifə Ğuds və Fələstinı coqlə məntəğonədə bə sioniston vəhşiyə cinayəton işarəş karde və votışe: ım cinayəton dınyo çəşi vədə ğərorış qətə və həmmə bəpe jıqo hərəkəton məhkum kardeədə bəştə vəzifə əməl bıkən.

Həzrət Ayətullah Xamenei dəvomədə Fələstinı milləti oğoəti, mığavimət iyən ciddiyə iradəku təclilış  karde və əlovəş karde sioniston ğəyrəz zu co çi famedə nin, boçimi xoto Fələstinıjon bəpe ıştə ğıvvə və mığaviməti, cinayətkaron bə təslim be və vəhşiyə cinayəton ğət karde məcbur bıkən.

İslamiyə inğilabi yolə rəhbəri ım vindımonədə tələbəon veyə təşkilatonış məmləkətiyu yolə fəxrış zınə və bə çəvon rol ifo karde bənə fikriyə mərkəzon iyən uzvon və cihadinə fəaliyyətonədə ictimaiyət və elmi mıxtəlif məsəlonədə işarəş karde və votışe:

Cihadinə cıvonon huzur korona veyə xətoş bə meydonədə fəalə huzur beynəlxalğə məsəlon navədə bənə Fransə təhğirinə nəşriyə, Kabolı ali məktəbi tıpımon və Fələstin iyən Yəmənı məsəlon vədə, FİTF məsələ vədə çəvon nəzəron iyən atom məsələdə məclisı stratejikə ğanoni zumand kardeədə , tələbə  təşkilaton bə tərif loyiğ omə nımonəviyə ko zınəşe ki jıqo siyasəton tələbəon təşkilaton şəxsiyyəti həm zumand kardeku işarəş karde.

Həzrət ayətullah Xamenei tələbəon təşkilatonku intizarış çəvon dini və inğilabiyə binovrəon zumand karde və nəfsi pok karde muhimmə məsələş zınə və əlovəş karde nəfsi pok karde ictimaiyyət və inğilabiyə mubarizəonədə veyə təsirış heste və əzizə imom votəşe: odəmon Amerkəku tarse dəlil nəfsi pok nıkardeye.

İnğilabi yolə rəhbəri eyne holədə bə əvəzon və inkişafi əsosə stratejik, istihsali vaştımonə hərəkəton iyən cihadinə fəaliyyətonku de tojə tədbiron mıxtəlif metodon və koonədə hukuməti həmmə baxşonədə iyən umumiyə jimonədə zəruriş zınə və iyoni 18 bərobər de xordad manqi 28 nə ruji İroni vıjnımonədə de veyə iştraki huzurış bəpeə dərəcədə zınəşe və ım iştiraki muhimmə əsəron bəyonədə əlovəş karde 2 minnə dərəcədə bəpeə qıləy çokə vıjneədə ə şəxsi bə ko biyəmon ki momin, inğilabi, kifoyətin, xalği tərəfdar, ommidvar iyən bə cıvonon bovəş bıbo və bə daxiliyə ğıvvə peştpur bıbo və həğiğətən ədolət tələb bıkə və bə fəsoti zid bıbo.