Şiə iyən sınnion miyono mıştərək mənafe heste.

İroni prezident səçeni namzəd təkidış karde ki sınnion həmmişə İroniku mudafiə karde meydonədə ciddi roli ifo kardəşone.

Bə İranpres sayti raporti əsos, İroni prezident səçeni namzəd Seyd İbrohim Rəisi zinə Tehronədə sınni alimon iyən elitaon vindemoni cərəyanədə votışe: İroni sınnion muğaddəs 8 sornə mudafiyə cəryanədə 13 həzo şəhidi bə İroni nizom və vətən təğdim kardəşone.

İroni prezident səçeni namzəd əlovəş kardse: şiəyon iyən sınnion mıştərək mənafeşone iyən yande kənoədə jimon karde holədən.

Rəisi təkidış karde: şiə iyən sınnion miyono farğ noe ğəbul kardənin ni! iyən imkanat və fırsət və zərfiyət bəpe de ədaləti həmmy kəson miyono təğsim bıbu, boçi ki şahrvandon bə i minnə və 2 minnə dərəcədə bıə odəmi təğsim karde çok ni!

İroni prezident səçeni namzəd votışe: kişvərədə təhəvvolaton əsli mehvər ədaləti bərpo kardeye iyən millət bəpe bə həğiği ədaləti əsos əvəz bıbun, ədaləti bərpo karde de dini demokratiya vositə bərpo bəbe.

Əisi bə ın nuktə işarəş karde ki İroni həmməy ostanonədə bıə millət bəpe ıştə həx-huğuğiku aqah bıbun və votışe: həxi kənoədə ko iyən məsuliyət bəbe, çən omə dıvlətədə həx bo millət iyən məsuliyət iyən ko bo dıvləte.