Bə vıjnımonədə İroni milləti ğəhrəmanəti xoto İroni Yolə rəhbəri ğədrdonəti mesaj.

Bə vıjnımonədə ğəhrəmanəti xoto və Xordadə manqi 28-ə ruji yolə hodisə ofəyeyro İroni Yolə Rəhbər millətiku ğədrdonətiş karde.

İroni Yolə Rəhbər ımruj həminə mısajədə ım vıjnımonədə əsli səbarzə tərəfış İroni millət elanış karde və votışe, nə iğtisod vəziyətiku norohəti, nə milləti dılsard kardeyro muxalifəton, və Koronavirusi tahdid və nə sədo qırdə kardeyro i minnə saətonədə problemon İroni milləti vədə mane nıbe.

Həzrət Ayətullah Xamenei bə milləti vıjniyə bıə kəson xətob votışe: bə kişvər və milləti xidmət kardey firsəti ğədri bıznən və koonədə Xıdo mehvəri ıştə fikədə oqətən.

İroni Yolə Rəhbər bə İroni milləti xətob votışe: Xordadə manqi 28ədə ğəhramanəti və hərorətinə iştirok, şımə fəxrinə torixədə coqılə səhifəş oj karde.

Ə Həzrət əlovəş karde: həmonə amilon ki har qılə çəvonku karde zınəş be şımə iştiroki vədə bənə mane bıbu, əmmo əks və əmələn kişvəri həmməy sədo qırdə kardə vırəonədə ijən aqahə diə, umidvarə dıl və zumandə iradəon şımə səfon və iştiroki səhnəonku oşkorə nımunə vindımone.

Həzrət Ayətullah Xamenei bə yodış varde: zinə ruji vıjnımoni həğiğiyə səbarz, İroni millət be ki sənibəton muzdurə mediaon iyən xom və bədxahə dışmenon vəsvəsəon vədə rost bin və ıştə iştiroki çı kişvəri siyasi meydoni dılədə nışoşon do.

Ə Həzrət əlovəş karde: Əlim və Ğədirə Xidoku oxoş nıbə təşəkkur kardəm ki bə millət tofiğış əto karde və ıştə rəhmət nəzəi bə İron və İslami nizami səmti varde və bə millət və bə mıhtərəmə şəxsoni ki de milləti nəzə və intixobi vıjniyə bən təbrik vottəm və bə ım vıjniyə bıə kəson yod dəğandəm ki ım bəfodorə milləti ğədri bıznən və bə ğanunədə işarə bıə məsuliyəti tam əməl kanən.