İronədə bıə Koranavirusiku oxonə xəbon.

İroni səhiyyə vəzarətxonə muavin votışe: dəvardə 24 saəti mıddətədə de təəsufi 112 nəfər Koronavirusi mıbtəlo bıə noxəşon İronədə ıştə coni dastiku doəşone.

Bə İrib raporti əsos Simasadat Lari votışe: ısət ım pandemiya nəticədə İronədə mardə kəson miğdor bə 83329 nəfər rəsə.

Xanım Lari həmçenin elanış karde ki tojədən 11056 nəfər bə Koronavirusi mıbtəlo bıə kəs İronədə peydo bin ki çəvonku bəzion noxəşxonəonədən.

İronədə tosə bə ısət 3128395 nəfər Koronavirusi qətəşone ki de xoşbəxtiyəti noxəşon miqdoriku 2784014 nəfəri hal-əhvol çok be və əvon noxəşxonəonku mırəxəs və ozod bıən.

Ğeyd kardənine ki tosə bə ısət təğribən bə 23 milyon nəfər nezi İronədə Korona testi əncom doəşone.

Bə oxonə statestikaon əsos, tosə bə ısət 4407385 nəfər İronədə Koronapeyvəndi iminnə doza jəşone iyən 10021619 nəfər həm de 2 minnə doza jəe vaksinə bıən, ım yəni 5429000 nəfər tosə bə ısət İronədə Korna peyvəndi jəşone.

Tosə bə ısət dınyoədə bə 179 milyon nənər nezi Korona virusi qətəşone ki çəvonku 3 milyono 900 həzo nəfəriku vey ıştə coni dastiku doəşone.