İroni Yolə Rəhbər İronıjə korona peyvəndış jə.

İroni Yolə Rəhbər zinə sıb Kovo Bərəkət nomo Korona peyvəndi jey faxti votışe: bəpe ın milli fəxri oqətəmon.

Həzrət Ayətullah Xamenei İronıjə peyvəndi jey faxti bə həminə milli iftixori soxte xoto həmməy İronıjə alimon və cıvonə elitaonku ğədrdonətiş karde və votışe: azi xarıci peyvəndiku istifodə karde pidə nıbim çən votıme ki İronıjə peyvəndi çəş bəkam, boçiki əqə ım zərfiyət İronədə heste boçi çəyku istifodə nıkəmon?

Ə Həzrət votışe: Əlbətə İroniıjə vaksini kənoədə əqə lazim bıbu bəpe xarıci peyvəndonku həm istifodə kəmon əmmo bə həmməy cıvonon və koronapeyvəndi soxte meydonədə ko kardə alimonku ğədrdonəti karde xoto bə İronıjə peyvəndi ehtırom bınəmon.

İroni Yolə Rəhbəri hamiyəşe: az co tərəf pidəm be ki çımı vaksin çəy təbii faxtədə bıjənon, ki ımruj Xıdoku təşəkkur kardəm ki az həm bənə həmməy 80 sor sinnışon bıə İronıjə şahrvandon ki Koronapeyvəndi jəşone ım peyvəniku istifodə kardəm.

Ə Həzrət təkidış karde ki Koronapeyvəndi de zumandəti, rə iyən çəy faxtədə soxte kəkoədə lazime ki ım peyvəndi elmi informasiya və məlumaton bo dınyo oşko və ifşo bıbu ta əvon İroni elmi inkişofiku aqah bıbun.

De Kovo Bərəkət anti Korona peyvəni istihsol və soxte ısət İroni num dınyoədə bıə Korona peyvəni istihsoləkə kişvəron cəmədə ğeyd bıə.