İslami inğilabi yolə rəhbəri: vıjnımon ğəhrəmanəti be.

İslami inğilabi yolə rəhbəri votışe: İroni millət korona şərayetdə iyən ixtisadi saxtə şərayetdə bənə vıjnımoni əsosə səbarz bə tərəf, məğlobiyəti və ocizətişon bə İroni deşmenon və vobəstə bə kəson nəsibışon karde

İslami inğilabi yolə rəhbəri votışe: İroni millət korona şərayetdə iyən ixtisadi saxtə şərayetdə bənə vıjnımoni əsosə səbarz bə tərəf,  məğlobiyəti və ocizətişon bə İroni deşmenon və vobəstə bə kəson nəsibışon karde.

İslami inğilabi yolə rəhbər Həzrət Ayətullah Xamenei  ımruj İroni məhkəmə ğıvvə rəis və məsul şəxson vindımonədə ki de məhkəmə ğıvvə haftə mınosibəti bərpo be çandə həzo təbliğatinə mərkəzon fəaliyətış mincumlə Amerkə , İnqiltərə və kali  mırtəce və siyo dimə məmləkəton mediyaon iyən İroni çan qılə xainə odəmonku istifadə karde vıjnımonədə iştirak kardeyu cəmaəti fiki əvəz kardeyu dınyoədə təcrubə nıbə məsələş zınə və əlovəş kardeəvon de kali bəhonəon bənə qozərani problemon ya kali hadison ki bəzən təşkil bə be bənə ya namzədon  səlahiyəton bə dast ome ya  bəzi qılan səlahiyəti bə dast nome ommidışon bastə be.

İslami inğilabi yolə rəhbəri korona məsələ və  çəy 10 faizə təsiriku bə cəmaəti iştirak bə eksperton hisobon əsosi işarəş karde və dəvomədə votışe: həmmə məsəlon vocodəndə,millət de əzəmətinə səfon və dıştə zumandə qəpon  sıbi əvvəlnə saatonədə,əzəmətin və həğiğiyə ğəhrəmanətişon xəlğ karde və zumandə mıştışon bə kəson sinə jəşone ki vıjnımonədə cəmaəti bə xətoə ro eğandə bin iyən bə deşmenon və mıxalifon jəşone.

Yolə rəhbəri vıjnımoni cəriyanədə bəzi hadisonış və təcrubə və ibrət(dərs qəte) boisış zınə və votışe: munazirəonədə cur bə curə fikron muşahidə bin eyne holədə  həmmə ehtromışon bıə namzədon deşmenon  təbliğ kardə qəponku kəno ım məsələdə vahidə nəzəşon hest bı ki məmləkəti ixtisadiyə problemon çorəş heste və bə ro oxo rəsə nimon.

İslami inğilabi yolə rəhbəri Amerkə vıjnımoni rəğabətonış bə yod dəğande və namzədon bə iyandı zid dımjonon işarəş karde və əlovəş karde Amerkəvıjon çokə sərməşğ(olqo) nin boçimi xoto  siyasiyə məsəlonədə bəpe bə ədəb ərkani diğğət doeədə iyən  əxlaği və şəriyə cəhətonədə be ehtroməti iyən tehmətonku bə kəno mandeədə sıxan bıbo nə ım kidımjon doe metodon iyən Amerkəvıjon və Trampı be ehtromətionku istifadə bıki.

Həzrət Ayətullah Xamenei  bə Amerkə qıləy məğami sıxanon İroni vıjnımoni həxədə işarəş karde və votışe: Amerkə vıjnımon dınyo həmmə çəşədə rısvoçiyəti be ısət həmonə rısvo bə kəson çan manq dəvarde bəpeştə zıvonışon okardə və İroni vıjnımoniku irod qətedən qıləy holədə ki əvon jəqo rısvoçiyətiədə  həni vıjnımoni həxədə i kəlimə həm bəpe sıxan nıkən.

İslami inğilabi yolə rəhbəri eyne holədə şəhid Ayətullah Beheştiş qıləy mıtəfəkkirə alim , tojə idəon bəyon əkə  qıləy zumandə şəxsiyyət və həğiğətən inğilabi, dindar, bə din əməl bıkə iyən bə kar omə şəxsiyyətış zınə və əlovəş karde şəhid Beheşti  islamiyə məhkəmə saxt və yolə ko binovrə noeədə iyən əsosə ğanonon hozzı kardeədə rol ifa kardeədə bə məmləkət və milləti qi yolə həxış heste və ım həx bəpe zıniyə bıbo iyən ədo bıbo.

Yolə rəhbəri  Ayətullah Beheşti və təğribən 70 nəfər  yolə şəxsiyyəti bə şəhodət rosneədə bə monafeğinı faciəvinə cinayəton işarə kardeədə  votışe: ım ğatelon oşkoə sorətədə bə ım yolə cinayət etirafışon kardə əmmo ımruj  de Fransə və  kali məmləkəto ki insoni həxonku mudafiə karde idda kardən dəçəvon himoyə ozodə holətədə fəaliyyət kardən ki inson ğərbion  be həyoətiku insonə həxonku qəp jeədə  və bə jıqo terroriston qəp jeyu icazə doeyu iyən bəvonku himoyə kardeku heyrət kardə.