Pul iyən sərvət çı Amerkə insonə həxon mehvəronin.

İslami məzhəbon miyono bıə təğrib beynəlxalğ icma rəis votışe: Xıdo iyən insoni əvəzi pul iyən sərvət çı Amerkə insonə həxon mehvəronin.

İslami məzhəbon miyono bıə təğrib beynəlxalğ icma rəis huccətul islam Həmid şəhriyari məşhədədə de Amerkə səbki bıə insonə həxon iclosədə votışe: ğərbədə insonə həxon mehvər insone və insoni prinsiponış mehvər ğəror doəşe ta 3 minnə yolə muharibə vəy bıqəti əmmo islamədə əğl bo zınıyro qıləy əbzare.

Şəhriyari de Amerkə vositə iddio bıə insonə həxon prinsiponış qıləy puçə məfhum bə hisobış varde və votışr: de Amerkə səbki bıə insonə həxon şivə və metod bə zu iyən təzviri əsose ki de sanksiya və hərbi ğudrəti icra bıdə.

İslami məzhəbon miyono bıə təğrib beynəlxalğ icma rəis İslam dınyoədə canq icod karde, terror iyən təkfiri qurupon icod karde əcumlə çı Amerkə həminə əbzaronku bə hisobış varde və təkidı kardeşe ki bəpe çı Amerkə ım iddio bıə insonə həxon pısoxtə bıə prinsiponədə qirifton məbəmon.