De Tasuaye Huseyni(ə) dəme mınosibəti təsliyət-İslamiyə İron matəm və ğəmədəy.

İslamiyə İron Tasuaye Huseyni(ə) şəvədə sərosər siyo və matəm iyən əzadarətiədə be.

İslamiyə İron Tasuaye Huseyni(ə) şəvədə sərosər siyo və matəm iyən əzadarətiədə be.

Imruj 4 şanbə hicri ğəməri 1443 nə sori Məhərrəmə manqi 9 nə ruj bərobər de miladi 2021 minnə sori avqosti 18 Tasuaye Huseyni(ə) ruje.

Huseyniyə əzadaron İslamiyə İroni sərosərədə Tasua və Aşuraye Huseyni rujonədə de matəmə mərosimon  dəvardedən.

Dınyo şiəyon 3 minnə imom Həzrət İmom Huseyn(ə) və həzrəti vəfodorə əshab mincumlə ə əzizə imomi qiramiyə bıvə Həzrət Əbulfəzl(ə)  yodi əziz qətedən.

Imsornə sori İslamiyə İroni sərosərədə heyəton, məçiton iyən əzadariyə təkiyəon korona pandemiya xoto ıştə mərosimon ojə vıronədə və bə səhiyə protokolon əməl kardeədə bərpo kardən.

İmom Səccad(ə) dınyo şiəyon 4 minnə imom Həzrət Əbulfəzliləbbas(ə) vəsfədə( tərifatdə) hamiyedə: çıman amo Əbbas həğiğətən de ğəhrəmanəti və conbozəti ıştə conış əzizə bıvə roədə fidoş karde ta bə dərəcə ki çəy daston ğət bin.

Çandə əsr Kərbəlo ğəmqinə hadisə və İmom Huseyn(ə) və həzrəti vəfodorə əshabi şəhodətiku dəvarde bəpeştə nə ım ki çı hadisə əhəmmiyyət və erjiku kam bə ni bəlkə ha çəxtə dəvardedə Aşura mesaj inkişaf kardə və əzadariyə mərasimon əzəmətin və de veyə şor və hərarət iyən aqahəti bərpo bedə.

Həzrət Əbaəbdellah Huseyn(ə) və həzrəti vəfodorə əshab hicri ğəməri 61 minnə sori məhərrəmə manqi 10 nə ruji Kərbəloədə bə şəhodət rəsin.

İmom Huseyn(ə) Kərbəlo hadisədə oşkoə sorətədə votışe: çıman hədəf bə islami zid hukuməti rısvo karde, bə çokə koon əmr karde və bə bevəcion mane be iyən zılm və sitəmqərəti vədə mande xotoye.

Həzrət İmom Huseyn(ə) ğiyami dərson bə xilğət və insoniyət və dınyo hevojəti tarix və coğrafiyaş heste və heç vaxt əy məhdod karde əbı ni.

İron İslam Respublika telerədyo de Tasua və Aşuraye Huseyni dəme mınosibəti bə həmmə mıslmonon xususən bə şiəyon və dınyoədə ozodəti tələb kardə kəson təsliyət votedən.