Qeneral mayor Əbdullahi de həmmə ğıvvon fərmondə vindımonış dəvoni
Bə Pars Rusey xəbəron əsosi Xatəmulənbiya(s) mərkəziyə ğərorqoh fərmondə de həmmə ğıvvon əzəmətinə fərmondə vindımonədə İron İslom Respublika silohinə ğıvvon mincumlə islomiyə Respublika ərteş, Sepahe Pasdaran, Polis,ımniyyəti və sərhədiyə ğıvvon mıdofiə vəzorətxonə və ğəhrəmanə bəsicion(səfərbər bə ğıvvon hozzı mandeku məlumatonış təğdim karde.
Bə Pars Tusey xəbəron əsosi Xatəmulənbiya(s) mərkəziyə ğərorqo fərmondə qeneral mayor pilot Əli Əbdullahi ım təğdim kardə məlumatədə votışe:imsomı həmmə mubarizon,canqiyə ruhiyə cəhəto mıdofiə iyən hucumiyu,stratejikə planon iyən təchizaton və ehtiyoc bə silahon nəzəku de Amerkə və sionistiyə deşmeni mubarizə bardeyu barzə səviyədə hozzı vəziyyətədə hestin.Və har qılə stratejikə səhvə hərəkəti mışohidə beədə iyən çəvon tərəfo tacavoz de surəti, şiddətin iyən zumandəti cəvob doə bəbe.Əv islomi həmmə mubarizon və ironi silohinə ğıvvon tərəfo bə həmmə ğıvvon əzəmətinə fərmondə yəğinış do əzəmətinə rəhbəri əmronku komilə itaət kardeədə tosə bə zəman ki conışon heste və tosə nəfəsi oxo islomiyə inğilobi hədəfon,ironi əzizə sərzəmin , hakimiyyət və milliyə foydəon iyən ironi ğeyrətmand və nıtarsə millətiku mıdofiə bəkan və xəbis, kin kudorətin və mıtəcavizə deşmenon ıştə notəmiz və təcavozkarə niyyətonku pəşmon bəben.Im vindımonədə həmmə ğıvvon əzəmətinə fərmondə Həzrət Ayətullah seyd Muctəba Huseyni Xameneyi ironi ğəhrəman və nıtarsə silohinə ğıvvonku ğədrdanəti kardeədə Rəməzan canqi mıdətədə ıştə nakonə tədbiron dəvomədə ki ilahiyə inayəton sayədə bə yolə səbarzətion bois bə və deşmenonış bəştə notəmizə hədəfon rəseyu ocizış haşte,tojə tədbiron iyən roon oj kardeyu deşmenon vədə zumandə mubarizəon və hərəkəton dəvom doeyu elonış karde.
