Məşhəd islam dınyo mədəniyə paytəxt nomo bıə mərasim bərpo be.
2017 minnə sorədə Məşhəd islam dınyo mədəniyə paytəxt nomo bıə mərasim ımruj 3 şanbə dınyo 51 məmləkətiku 250 qılə mədəni və siyasiyə şəxsiyyəti huzurədə ironi mədəniyyət vəzir iyən keşvəri və ostani coqlə rəsmi şəxsiyyəton huzurədə Məşhəd şəhrədə bıə həzrət imom Rıza(ə) pokə hərəmi Ğuds nomo bıə salonədə bərpo be.
Bə İRNA xəbon əsosi 2011 minnə sorədə elmi mədəni və təlimiyə islamiyə təşkilati tərəfiku doə bıə məsləhəti əsosi ki bə islamiyə konfırans təşkilati vabəstəy ha sor afrikayi ərəbi iyən islami ğeyre ərəbə məmləkətonku 3 qılə məmləkət bənə islamiyə mədəniyyət paytəxt nomo vıjniyə bıbon.
həminə çərçivədə Məşhədı məzhəbiyə şəhr 2017 minnə sorədə asiyaədə islam dınyo mədəniyə paytəxt nomo vıjniyə be ki ımruj ım mərasimi bino be çansa qılə daxili və xariciyə mehmonon huzurədə bərpo be.
ım rəsmiyə mərasimədə məmləkəti rəsmi şəxson iyən yolə şəxsiyyətonku bə kəno islamiyə məmləkətonku çansa qılə mehmon əcumlədə vəzir məclisi nımoyəndə səfiron iyən mədəni və məzhəbiyə şəxsiyyəton həm huzurışon hest bı.
