İronədə Koranavirus iyən vaksinasiyaku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə de təəsufi 669 nəfər Koronavirusi mıbtəlo bıə noxəşon İronədə ıştə coni dastiku doəşone.

Bə İrib raporti əsos ın bəyoniyədə ğeyd bıə ki ısət ım pandemiya nəticədə İronədə mardə kəson miğdor bə 107151 nəfər rəsə.

Xəbə omə ki tojədən 33780 nəfər bə Koronavirusi mıbtəlo bıə kəs İronədə peydo bin ki çəvonku çand həzo nəfər hələ noxəşxonəonədən.

İronədə tosə bə ısət 4960744 nəfər Koronavirusi qətəşone ki de xoşbəxtiyəti noxəşon miqdoriku 4175405 nəfəri hal-əhvol çok be və əvon noxəşxonəonku mırəxəs və ozod bıən.

Ğeyd kardənine ki tosə bə ısət təğribən bə 28780305 nəfər nezi İronədə Korona testi əncom doəşone.

Bə oxonə statestikaon əsos, tosə bə ısət 18551964 nəfər İronədə Koronapeyvəndi iminnə doza jəşone iyən 8389296 nəfər həm de 2 minnə doza jəe vaksinə bıən, ım yəni 26941260 nəfər tosə bə ısət İronədə Korna peyvəndi jəşone.

Ğeyd kardənine ki zinə fəğət 765134 doza korona peyvəndi jəşone ki İronədə bənə rekordi bə hisob varde bəbe.