Pars Today

İroni xarıci vəziri muavin voteşe: kişvəron bəbe beynəl-xalğ sahədə və bə əmniyətiyə təhdidon əleyh mubarizə bardero de yande həmkari bıkən.

Seyd Əbbas İrağçi, İroni xarıci vəziri muavin Yanvari 25 ədə tehronədə əlovəş karde: qıləy kişvər cayli surətədə bə muxtəlifə təhdidon əleyh mubarizə barde əzıni ijən bəbe beynəl-xalğiyə fırsətonku çımisə vey istifodə bıbu, boçi ki ısət bə muxtəlifə təhdidon əcumlə de narkotika maddon mubarizə barde xoto həmə kişvəron de İroni zəhməton və fəaliyəton oşnon.

İroni xarıci vəziri muavin ğəyri ğanuni cəhətiku pulon bədəst varde ijən terrorizmi çı beynəl-xalğiyə sahədə 2 qılə yolə bohran hisobış karde və de İroni əmniyətiyə ğıvvon fəaliyəton təğdir karde çı narkotika maddon vırə bə vırə karde vədə çokə bərnoməon və mubarizə planon icra karde xoto votışe: bə jıqonə təhdidon əleyh mubarizə bardero fəğət əməliyə beynəl-xalğiyə həmkarion lazime.

İrağçi təkidış kardə: ətomiyə təvafoği bəpeştə İron bənə beynəl-xalğ sahədə fəalə rol ifo əkə əvəz be və bəbe ım fırsətiku çok bə ğaçağçiyon əleyh mubarizə bardero istifodə bıbu.

Əv həmçınin bə narkotika maddon vırə bə vırə karde əleyh mubarizə barde sahədə bə İroni çand həzo qılə təğdim bıə şəhidon həm işarə və fəxrış karde.