Sepah dıyo ğıvvon əməliyat Amerkə kəşti dıyo dızdi navədə.

İslamiyə inğilabi sepah pasdaranı dıyo ğıvvon tərəfo vaxtədə zumandə hərəkəti nəticədə Amerkə kəşti əməliyat, nati dızdiyeru bə nəticə nırəsə.

İslamiyə inğilabi sepah pasdaranı dıyo ğıvvon tərəfo vaxtədə zumandə hərəkəti nəticədə Amerkə kəşti əməliyat, nati dızdiyeru bə nəticə nırəsə.

İslamiyə inğilabi Sepah Pasdaran dıyo ğıvvon ğəhrəmanon Ommanı dıyo ovonədə vaxtədə zumandə əməliyatədə qıləy tankeri nati dızdeyu Amerkə kəşti əməliyati navış qəte.

Amerkə kəşti ım hərəkət qıləy tankeri ki İroni ixracat kardə nati həml kardə be Ommanı dıyo ovonədə musadirəş karde və nati bə coqlə tanker ovıştıneədə pidəşon be əy bə qıləy naməlumə məğsədi tərəf hidayət bıkən.

Həmzəman sepah ğəhrəmanə kadron de helibrn əməliyati həmonə tankeri kontroli bəştə dast qətedən və əy bə İroni sərzəminiyə ovon tərəf hidayət kardedən.

Dəvomədə Amerkəvıjə ğıvvon de çandə qılə vertəliyot və hərbiyə kəşti tankeri təğib kardedən əmmo Sepah ğəhrəmanə ğıvvon zumand və ciddiyə huzurədə ociz mandedən.

Amerkəvıjə ğıvvon tojədən de veyə hərbiyə kəştion cəhd kardedən tankeri hərəkət karde ro bıbaston ki ijən muvəfəğ bedə nin.

Im tanker hal hazırədə İroni sərzəminiyə ovonədəy.