İronədə Koronavirusi şərayeti kontorol dəvom kardeydə.

İroni səhiyyə vəzarətxonə elanış karde: dəvardə 24 saəti mıddətədə Koronavirusi nəticəku mardə kəson miğdor bə 158 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor bə həm 126921 nəfər rəsə.

Xəbə omə ki tojədən 9824 nəfər bə Koronavirusi mıbtəlo bıə kəs İronədə peydo bin ki çəvonku təğribən həzo nəfər ijən noxəşxonəonədən.

İronədə tosə bə ısət 5964824 nəfər Koronavirusi qətəşoneş ki çəvonku 5560951 nəfər noxəşxonəonku mırxəs bıən.

İronədə Korona testi əncom doə kəson miğdor həm bə 36 milyon nəfər rəse holədəy.