İronədə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku mardə kəson miğdor bə 42 nəfər rəsə.

Bə İrib raporti əsos ısət ım pandemiya nəticədə İronədə mardə kəson miğdor bə həm 131348 nəfər rəsə.

Xəbə omə ki tojədən 1121 nəfər bə Koronavirusi mıbtəlo bıə kəs İronədə peydo bin.

İronədə tosə bə ısət 6182905 nəfər Koronavirusi qətəşoneş ki çəvonku 6024211 nəfəri hol-əhvol çok bıə.

Bə oxonə statestikaon əsos, tosə bə ısət Covid-19 277 milyono 681 həzo nəfəri noxəşış kardə ki çəvonku 5 milyono 600 həzo nəfər ıştə coni dastiku doəşone.

Bə oxonə statestikaon əsos, tosə bə ısət 59464524 nəfər İronədə Koronapeyvəndi iminnə doza jəşone iyən 51096388 nəfər həm de 2 minnə doza və 5478443 nəfər de 3 minnə doza jəe vaksinə bıən, ım yəni 116 milyono 39355 həzo doza tosə bə ısət İronədə Korna peyvəndiku istifodə bıə.

Fəğət zinə İronədə bə 500 həzo doza nezi korona peyvənd jə bəy.