Rəisi:Məşhədı cinayət Amerkəiyə təkfirion dastədə əncomış qətə.

İron İslam Respublika prezdent Həzrət İmom Rıza(ə) pokə hərəmi cinayəti məhkum kardeədə əlovəş karde de ğətiyyəti ım norohət bıkə hadisə xətoə roədə bıə uzvonku qıleni ki Amerkəiyə təkfiriyə qrupon təsiri jiyədə bən, əncomış qətə.

İron İslam Respublika prezdent Həzrət İmom Rıza(ə) pokə hərəmi cinayəti məhkum kardeədə əlovəş karde de ğətiyyəti ım norohət bıkə hadisə xətoə roədə bıə uzvonku qıleni ki Amerkəiyə təkfiriyə qrupon təsiri jiyədə bən, əncomış qətə.

Zinə əsrə vaxti qıləy təkfiriyə şəxs Məşhəd şəhrədə dınyo şiəyon 8 nə imom Həzrət İmom Rıza(ə) pokə hərəmi “pyambəre əızəm” səhnədə de çəxu bə 3 qılə ruhaniyə zair hucumış bardə , ım hucumi nəticədə ilə ruhani bə şəhodət rəsedə və 2 nəfər həm yarəjə və bə noxəşxonə ovıştıniyə bedən.

Hucum bardə şəxs həm muhafizə bıkə qrupon və polis ğıvvon tərəfo dastqir və İroni kəşfiyyat və əmniyyətiyə ğıvvon extiyorədə ğəror qətedə.

Bə prezdenti məlumat ərosnə mərkəzi elani əsosi İron İslam Respublika prezdent sed İbrahim Rəisi qıləy mesajədə elanış kardə zinə hadisə Həzrət Əli İbne Musərrıza(ə) mığəddəsə astanədə ki dınyo həmmə ozodə insonon ha qılə din və məzhəbiku kəno pənoh bardə kəson vırəy  bə çıman iyən ım rəufə  imomi həmmə aşığon norohəti və dıli dard bois be.

Prezdent Rəisi əlovəş karde de ğətiyyəti ım dəhşətinə hadisə ki xətoə roədə bıə şəxs ki Amerkəiyə təkfiriyə qrupon təsiri jiyədə bə nakonəsə ve bə islam və islamiyə İroni piyə kəson vəhdət və dustiyəti bois bəbe və bə xətoə cəriyanon rısvo be bois bəbe.

İron İslam Respublika prezdent məmləkəti kəşfiyat  vəzorətxonəş vəzifəvo karde həmmə səlahiyyətışon bıə təşkilaton həmkoətiədə de surəti Məşhəd şəhri dəvardə ruji hadisədə təsir noə kəson pəydo və əvoni təğib bıkə və nəticə bə həmmə odəmon xəbə bıdə.