De təkfir iyən nodonəti mubarizə bardey lozime.

İroni Qolestan ostanədə bıə təbliğ iyən bəyon nomo bıə iclosədə şiə və sınni alimon bə de əkfir iyən nodonəti mubarizə bardey zəruriyəti təkid kardışone.

Bə İrib raporti əsos, İroni islami təbliğon idorə muavin huccətulislam vəlmuslemin Ruhullah Hərizavi zinə Qorqanədə bıə təbliğ iyən bəyon nomo bıə iclosədə de mubarək Rəməzanə manqi dəme həmzəman bə İroni muxtəlif məntəğəon çandə təbliğəkəyon vığandeyku xəbəş do iyən votışe: ruhaniyon iyən təbliğəkəyon əsliyə koy ıme ki həminə manqədə çı İroni yolə Rəhbəri tədbiron ğolibədə bəyon iyən təbiin cihodi barədə milləti aqah kon.

İroni islami təbliğon idorə muavin təbliğ iyən bəyon nomo bıə iclosi mehvəron barədə həm votışe: de nodonəti iyən təkfiri çoknə mubarizə bardey əcumlə məsələoni be ki həminə iclosədə çəy barədə sıhbət be.

Hərizavi umudəvu be ki de jığonə icloson dəvoniye iştimaiyətədə bəsirət vey bıbu.

Əv ımsor İronədə 10 həzo iclosi dəvoniyey barədə xəbəş do ki Kərimə Ğıroni təlavət kardeyro iyən Rəməzanə manqədə bərpo bıdə.