İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku 39 nəfər ıştə coni dastiku doəşone.

Bə İrib raporti əsos ısət ım pandemiya nəticədə İronədə mardə kəson miğdor həm bə 140616 nəfər rəsə.

Xəbə omə ki tojədən 2894 nəfər bə Koronavirusi mıbtəlo bıə kəs İronədə peydo bin ki çəvonku 384 nəfəri ho-əhvol çok ni.

Im yəni İronədə tosə bə ısət 7191643 nəfər Koronavirusi qətəşoneş ki çəvonku 6918860 nəfər noxəşxonəonku mırxəs bıən.

Bə oxonə statestikaon əsos, Covid-19 dınyoədə 6 milyon nəfəriku vey odəmon conış qətə iyən həmçenan bənə ciddi təhdidi dəvom kardeydə ki hətto dınyo səhiyyə təşkilot həm çəy barədə yaxod tojə modeleş bıə viruson ijən bə meydon omey barədə notaş doə.