De islami qiramiyə peyğəmbər(s) həyat həmro vəfot karde sorəqardışi mınosibəti təsliyət.

Imruj 3 şanbə hicri ğəməri 1443 nə sori mubarəkə rəməzanə manqi 10 nə ruj(2022 apreli 12) islami əzizə peyğəmbər Həzrət Muhəmməd(s) qiramiyə həyat həmro həzrət Xədicə(s) vəfot karde sorəqardışe.

Imruj 3 şanbə hicri ğəməri 1443 nə sori mubarəkə rəməzanə manqi 10 nə ruj(2022 apreli 12) islami əzizə peyğəmbər Həzrət Muhəmməd(s) qiramiyə həyat həmro həzrət Xədicə(s) vəfot karde sorəqardışe.

Həzrət  Xədicə(s) ki ğorəyşı məşhur və sərvətmandə xanımonku be 15 sor  beısətiku nav de islami qiramiyə peyğəmbər(s) vəyəş kardə be.

Im yolə xanım 1 minnə jen bı ki bə Həzrət Muhəmməd(s) rəsolət imonış varde və dıştə həmmə ğıvvə və sərvət islami diniku himoyəş karde.

Həzrət Xədicə(s) islamiku bə nav həm əxlaği çok iyən fəzilətinə xosiyəton xoto və pokəti qorə Tahirə ləğəbış bə dast vardə be.

Həzrət Xədicə(s) mubarəkə vocod Həzrət Muhəmməd(s) əxtə əhəmmiyyətış hest bı ki Xıdo rəsul(s) ım yolə xanımi bə rəhmət şeş yolə mısibətış zınə və həzrət Xədicə(s) iyən ıştə yolə himoyə əkə yəni ıştə amu Həzrət Əbutalib(ə) bə rəhmət şeş “Amulhuzn” yəni norohəti iyən ğəmi sor nomış no.

Həzrət Xədicə(s) 6 qılə fərzəndış ıştə pur mehrə domənədə yolış karde ki çəvon miyonədə Həzrət Fatimə(s) yolə erj və vırəş hest bı, kinəei ki islami qiramiyə peyğəmbər(s) iyən dınyo şiəyon 1 minnə imom Həzrət imom Əli(ə) bəpeştə islami rəhbərəti əçəy nəsliku dəvomış pəydo karde.

İron İslam Respublika telerədyo de Həzrət Xədicə(s) vəfot karde sorəqardışi mınosibəti bə həmmə mıslmonon və əhle beyte ismət və təharət(ə) təsliyət votedə.