İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku 33 nəfər ıştə coni dastiku doəşone.

Bə İrib raporti əsos ısət ım pandemiya nəticədə İronədə mardə kəson miğdor həm bə 140777 nəfər rəsə.

Xəbə omə ki tojədən 1994 nəfər bə Koronavirusi mıbtəlo bıə kəs İronədə peydo bin ki çəvonku 349 nəfəri ho-əhvol çok ni.

Im yəni İronədə tosə bə ısət 7204049 nəfər Koronavirusi qətəşoneş ki çəvonku 6938480 nəfər noxəşxonəonku mırxəs bıən.

Əlbətə 1483 nəfər həm ijən noxəşxonəonədən.

Bə oxonə statestikaon əsos, Covid-19 dınyoədə 6218384 nəfər odəmi conış qətə iyən həmçenan bənə ciddi təhdidi dəvom kardeydə ki hətto dınyo səhiyyə təşkilot həm çəy barədə və tojə modeleş bıə virusonku daimən nota dodən.