Kərime-Əhlebeyt(ə) milad şəvədə Kərimə Ğıroni beynəl-xalğ nımoyeşqoh oj bəbe.
De şiəyon 2 minnə imomi milad şəvi həmzəman və de İroni islami şura məclisi yol, mədəniyət vəzir və çandə rəsmi şəxson iştiroki ın şanqo İmom Xomeyni nomo bıə musəlla vırədə Kərimə Ğıroni beynəl-xalğ nımoyeşqoh oj bəbe.
Koronavirusi məhdudiyətonku 2 sor bəpeşt, Kərimə Ğıroni 39 minnə dıvrə beynəl-xalğ nımoyeşqoh bənə İroni vey yolə dini hodisə de de İroni islami şura məclisi rəis Muhəmməd Bağır Ğalibaf, İroni mədəniyət vəzir Muhəmməd Məhdi İsamili və çandə rəsmi şəxson iştiroki ın şanqo de şiəyon 2 minnə imomi milad şəvi həmzəman İmom Xomeyni nomo bıə musəlla vırədə Kərimə Ğıroni beynəl-xalğ nımoyeşqoh oj bəbe.
Imsornə sori nımoyeşqoh 45 baxşədə bərpo bəbe.
Həminə nımoyeşqoh şuar Ğıron çı umid iyən oroməti simvol ğeyd bıə ki bəçəy əsos mədəniyəti bə Ğıroni umidəbaxşə təlimon ixtisos doe barədə çandə koon iyən noyəvardəti və nəşrədə bıə innovasiya nəzərdəqətə bıə.
De İroni prezidenti iştiroki Kərimə Ğıroni xadimonku ğədrdonəti karde, Nəhcul-Bəloğə xadimon elan karde, zəmini ostovəon festivol, ğıroni mışovirə, 20 qılə beynəl-xalğ virtual iclos, ğıroni muəssisəon iclos, Ğıroni tərcumə milli mərkəzi bə istismor rosniye əcumlə co bərnoməonin ki ımsor Kərimə Ğıroni nımoyeşqohədə bərpo bəbe.
Tehroni Kərimə Ğıroni 39 minnə dıvrə beynəl-xalğ nımoyeşqoh tosə 2 haftə oj bəmande ta iştirokəkəyon çəyədə iştirok kon.
