Muxtəlif baxşonədə Sepah təşkiloti muvəffəğiyəton çı dışmenon əsəboniyəti bois bıə.

İroni həmmə silohinə ğıvvon ğərorqoh de məxsus bəyoniyə sadir karde vositə ordibeheştə manqi 2 minnə ruj Sepah təşkiloti təsis bey sorəqardışi təbrik votışe iyən təsdiğış karde ki Muxtəlif baxşonədə Sepah təşkiloti muvəffəğiyəton çı dışmenon əsəboniyəti bois bıə.

Həminə bəyoniyə dəvomədə bə Sepah təşkiloti xidməton iyən muxtəlif baxşonədə İroni inkişof və əmniyəti təmin kardə fəaliyəton işorə karde kənoədə ğeyd bıə: dəvarə 43 sori mıddətədə bıə Sepah təşkiloti mucahidət ki inğilobi stabileti iyən dəvomədə ğızılin be iyən de zumandəti dəvom kardeydə.

İroni həmmə silohinə ğıvvon ğərorqoh təsdiğış karde: Sepah çı İroni kişvəri əmniyəti təmin kardey kənoədə muğavimət cəhbə zomand karde royku anti istikbor planon və de işid mubarizə barde sahədə əbədi və torixi roli ifoş karde ki islom dini dışmenon çəyku ğəyzin və əsəbin hestin.

Muxtəlif təşkiloton əcumlə İroni ərtış ğıvvon həm de mesaj bəyoniyəon Sepah təşkiloti təsis bey ruji təbrik votışone.