Əmir Əbdullahiyan:İron Fələstinı mığavimət iyən ozodi əbaxşə mubarizəonku himoyə kardə.

İroni xarici koon vəziri votışe: İron İslam Respublika ısət həm mığavimət və Fələstinı milləti ozodiyə mubarizəonku himoyə kardə.

İroni xarici koon vəziri votışe: İron İslam Respublika ısət həm mığavimət və Fələstinı milləti ozodiyə mubarizəonku himoyə kardə.

Bə İRNA xəbon əsosi İroni xarici koon vəzir Huseyn Əmir Əbdullahiyan zinə Fələstini və Livani rəhbəron, ruhaniyon , siyasi iyən məsul şəxsonku qıləy cəmi vindımonədə ki mərhum imom Xomeyni bə rəhmət şe sorəqardışədə  iştirak kardeyu bə Tehron səfərışon kardə be vindımonış dəvoni və votışe: mərhum imom Xomeyni əndişə(fik) iyən diyədə Fələstin və Ğudsı məsələ muhim iyən stratejikə vırəş hest bı və əlovəş karde mərhum həzrət imom Xomeyni , Fələstini,islam dınyo əvvəlnə məsələ zındə be.

İroni xarici koon vəziri votışe: islami inğilabi yolə rəhbəri Həzrət ayətullah Xamenei həm İron İslam Respublika təsis əkə mərhum imom Xomeyni diyə dəvomədə bə Fələstinı ozodəti məsələ xususiyə erj və əhəmmiyyətış nəzədə heste və bovəş heste Fələstinı həmmə  sərzəmin bəpe cinayətkarə sioniston işğaliku ozod bıbo.