Tehroni cımə imom: İron zu sıxani vədə təslim nibəbe.

Tehroni cımə nımoji xətib votışe: Amerkə təhrimon ləğv kardey çı izzət mıvğiyəti tərəfo dumo karde bəbe və İron hukmən zu sıxani vədə təslim nibəbe.

Bə İrna raporti əsos, hucətul islam vəl muslimin Muhəmməd Cəvad Hacəliəkbəri zinə çı dıvləti fəəalə reqional diplomatiyaku ğədrdonətiş karde və votışe: İroni 10 minnə dıvlət bə vəədə doə çion iyən İroni Yolə Rəhbəri tələbon əməlış kardə.

Tehroni cımə nımoji xətib sanksiyaon ləğv kardey muzakiron barədə votışe: ziodtələbon vədə həm bəpe ın nəzə iyən vindemon de izzət və həkimanə koon təğib bıbu ki həm ədolətin muzakirə bıbu və həm nışo bıdəmon ki İron hiç fax zu sıxani vədə təslim nibəbe.

Hacəliəkbəri Koronavirusi kontorol kardey sahədə çı səhiyyə kadri zəhmətiku ğədrdonətiş karde və Amerkə vəziyəti de İroni muğaisə karde barəd votışe: Koronavirusi pandemiya tələfoti barədə Amerkə çı dınyo i minnə vırədəy iyən reytinqi siyahiədə peşo çı Avropa kişvəron nom vindey bıdə, əvon dılışon ni ki Korona mudiriyətədə İroni muvəffəğiyəti barədə sıhbət bıkon.

Tehroni cımə nımoji xətib əlovəş karde: İronədə səhiyyə baxşədə bıə infrastraktoron çı kişvəri fəxr bə hisob omeydə ki çı İroni inğilobi bərəkətonku heste, ın şəbəkə tosə İroni dion nığıl surəti ko kardedə.