De Ğədir Xumi yolə idi mınosibəti təbrik.
Imruj Zil-Həccə manqi 18 iyən İyolə manqi 18 Mısılmonon vey yolə idonku qıləyni Ğədir Xumi bərəkətinə idə ruje.
Ğədir Xum Məkkə iyən Mədinə miyono bıə qıləy məntəğəy ki İslami Peyğumbər(s) Həccətul-Vidaədə(ıştə əzizə umri oxonə Həccədə) dıyo şiəyon i minnə İmom, Həzrət Əli(ə)-i ıştəku bəpeş bənə İslamiyə umməti Vəli elanış kardə.
Həzrət Muhəmməd(s) ıştə oxonə Həcciku oqarde zəmonədə Həcc fərizədə həmmə iştirok kardə mısılmononış Ğədir Xum məntəğədə cəm kardeşe və həmonə məntəğədə Xıdo tərəfiku Həzrət Əli(ə)-i bənə ıştə Vəsi, Bıvə iyən ıştəku bəpeşt bıə İslamiyə umməti rəhbər elanış kardə.
İslam dini yolə Pəyğumbər(s) Ğədir Xumi muhimmə xutbədə hamyəşe: har kəs ki az çəy movlam çimi bəpeşt Əli çəy movlaye.
Ğədir Xumi bərəkətinə idi ki İslamiyə rəvoyətonədə bə "İdul-Əkbər " məşhure, bəbe çı həmmə ilahiyə dinon vey əzəmətinə idi hisob kəmon, boçi ki, həmmə ilahi Pəyğombəron zəhməton ın bərəkətinə rujədə bə nəticə rəsə.
İroni Tolışə xalğ həm de İroni həmmə mısılmonə milləti bə ico zinə şəviku məzhəbiyə vırəonədə ıştirok peydo kardəşone iyən muxtəlifə şoy-vonəkə mərasimon kənoədə bə seydon osə ğandən.
İroni Rəşt şəhri Tolışi Rədioku Ğədir Xumi bərəkətinə idi bə həmmə mısılmonon məxsusən dınyo şiəyon ijən ozodtələbon təbrik ərz kardedəmon.
