Rəiysi: Səfiron bəpe İron İslam Respublika erjon iyən mənafe təmin kon.

İron İslam Respublika prezident votışe: İslamiyə İroni nımoyəndəon və səfiron bəpe İron İslam Respublika erjon və mənafe təmin kardeyro fəaliyət bıkon.

Bə İRİB aqentiyəti raporti əsos, İron İslam Respublika tojə səfironku kalion bəştə ko iyən məmouriyəti vırə vığandey bənav de İron İslam Respublika prezident vindemon iyən votımon kardeşone.

Həminə vindemonədə, İron İslam Respublika prezident Sed İbrahim Rəyisi, səfiron bənə İslamiyə nizomi nəmoyəndəon bə hisobış varde ki bəpe İron İslam Respublika erjon və mənafe nımoyəndəti və təmin kon.

Rəyisi ijən təkidış karde: bə təyin bıə hədəfon əsos, har qılə kişvəri səfiron funqsiya bəpe kontrol bıbu.

İron İslam Respublika iğtisodi bə inkişof rəseyro komək kardey, bə İroniku xarıx bıə İronıjon koon diğğət doe, səfiron ailə və fərdi rəftoron inğilobi və islami erjon əlovə doe və rioyət kardey iyən məmuriyət baxşədə harcurnə iğtisodi nosolımə rabitəon vədə muğabilə kardey, əcumlə koonin ki bəpe kişvəri oxonə siyasəton və hədəfon bə vırə rosniyeyro, cəhd bıbu.

İron İslam Respublika prezident ijən Qurcıston, Livan, Hındustan, Polşa, Sierra-Leone, Çexiya Respublika iyən Niyuyurkədə bıə İ Bıə Milləton Təşkilatədə İroni nımoyəndəti səfironro, muvəffəğiyəti orzoş kardəe.