İronədə bıə Koronavirusiku oxonə xəbon.

İroni səhiyyə vəzarətxonə elanış karde: dəvardə 24 saəti mıddətədə Koronavirusiku 33 nəfər İronədə ıştə coni dastiku doəşone.

Bə İrib raporti əsos iyən səhiyyə vəzorətxonə nəğliku zinə və tosə bə ısət, İronədə 9775 nəfər tojə noxəş bə Koronavirusi mıbtəlo bıə kəs peydo bin.

Bə həminə raporti əsos, de tərtibi İronədə bə Koronavirusi mıbtəlo bıə kəson miğdor təğribən bə 7 milyono 337 həzo 928 nəfər rəsə.

İronədə tosə bə ısət təğribən 7 milyono 74 həzo 166 nəfər Koronavirusi qətə kəson hol çok bıə ya de xuşbəxtiyəti noxəşxonəonku mırxəs bıən.

Bə oxonə statestikaon əsos, tosə bə ısət Covid-19 dınyoədə 549 milyon nəfəriku vey odəmi mıbtəloş kardə və 6 milyono 360 həzo nəfəriku vey həm ım noxəşiku ıştə coni dasiku doəşone