Amerkə ıştə zəif bıə hakımiyəti məntəğədə bəji kardış pidə

İroni kəşfiyot vəzir votışe: Amerkə de namə canq iyən zalimonə təhrim və sanksiyaon məntəğədə ıştə zəifə hakımiyəti bəji kardış pidə.

Bə irib raporti əsos, hucətul islam vəl muslemin Seyd İsmail Xətib bə anti İron dastəon tojə dıvrə təhrikomizə hərəkəton işarəş karde və İroniro təhdid əkə şərayeti icod kardə kişvəron həxədə notaş do: ın kişvəron bəpe İroni əvəzi bıkardə rəftori intizorədə bımandon.

İroni kəşfiyot vəzir təkidış karde: İroni əmniyət və kəşfiyot mənuron çı dışmenon qırd hərəkəton manitorinq karde holədən.

Əv bə İroni əmniyəti şərayeti çokə vəziyəti işarəş karde və əy çı əmniyəti məmuron iyən milləti miyono bıə həmkoəti və rabitəon nımonə zınəş be.