İroni Yolə Rəhbəri məhzərədə, İmom Huseyn(ə)-i şame ğəriboni mərosimi bərpo bey.

İmom Xomeyni(r)-i nomo bıə Huseyniyədə, İroni Yolə Rəhbəri məhzərədə, İmom Huseyn(ə) iyən çəy bəfodorə əshabi şame ğəriboni əzodorəti mərosim bərpo bıə.

Bə İroni Yolə Rəhbəri dəftərxonə məlumatərosnə mərkəzi raporti əsos, ım mərosimədə, Huccətul İslam vəlmuslemin Rəfii ıştə nıtğədə işorəş karde: Həzrəte Seyeduşşohəda(ə) ıştə şəhodəti oxonə ləzzəonədə bəştə deşməni ləşqəri xətob votəş be" əqə dindor niron, dınyo koon əncom doeyədə, ozodə bıbən".

Huccətul İslam vəlmuslemin Rəfii ijən votışe: hurriyət yəni inson ıştə nəfsani iyən həyvoni zotiku ozod bıbu, ozod bıə inson, 5 qılə xusiyəti soybe, Həyo, xıyonətiku diyəro mandey, həlolə moli kəsb kardeyro cəhd, iyən umumiyə həxon rioyət kardey.

Im mərosimədə həmçınin Ağaye Məhmud Kərimi nohə handəşe.

Şame Ğəriban, Həzrəte İmom Huseyn(ə)-i Əhle Beyt və Kərbəlo hodisəku baği mandə əsiron və hırdənonku nışonəy, ki Aşura məğribədə və Kərbəlo səhraədə be pənoh bin.

Hicri Ğəməri 1444 minnə sori Məhərrəmə manqi 10 minnə (Miladi 2022 minnə sori Avqustə manqi 8 minnə) ruj de Aşuraye Huseyni(ə) ruji bərobəre.

İmom Xomeyni nomo bıə Huseyniyədə 6 şəvi mıddətədə, yəni Hicri Ğəməri 1444 minnə sori məhərrəmə manqi 7 minnə şəviku tosə 12 minnə şəv, Həzrəte Əbaəbdullahel Huseyn(ə)-i şəhodətə əyyomi əzo mərosim bərpo bəbe.

İmom Husein(ə) dınyo şiəyon 3minnə İmome ki Hicri Ğəməri 61 minnə sori Məhərrəmə manqi 10 minnə rujədə, Kərbəloədə şəhid bıə, və Kərbəloədə deştə mislış nıbıə fidokorəti vositə, bə həmmə dınyo ozodəti və izzəti dərs umutəşe.