Ğalibaf: İroni mudafiə baxşədə ğabeliyəton, İroni təfəkkori nəticəy.

İron İslam Respublika islamiyə şura parlamenti rəis təkidış karde: İroni mudafiə baxşədə ğabeliyəton, İroni fiki nəticəy və hiç ğudrəti karde zınəş ni ki islamiyə İroni mudafiə zumandəti dəvomi əlovə beyədə mane bıbu.

İslamiyə İnğilobi səbarzəti bəpeşt tosə bə ısət, İron İslam Respublika mudafiə sənaye, de silohinə ğıvvon nezə həmkoətion, zəmini, dıyo, həvo, rəket və ayrokasmik muxtəlifə baxşonədə, İroniro muvəffəğiyəton bə das biyə.

Mordadə manqi 31 minnə ruj, İroni təğvimədə bənə mudafiə sənaye ruj ğeyd bıə.

İron İslam Respublika islamiyə şura parlamenti rəis Muhəmməd Bağır Ğalibaf ım ruji təbrik votışe iyən əlovəş karde: İronədə mudafiə sənaye vey fəxrinə muvəffəğiyəton, İslam deşmənon sanksiya siyasəton məğlubiyətonku qıləy nışonəy, və vey oşkoe ki əqə bə İroni momen iyən mıtəxəssisə cıvonon komək kəmon, karde bəznen bə vey bə inkişof rəsə vırəon dast peydo kon.

Bə İran Peres aqentiyəti raporti əsos, Ğalibaf ijən təsdiğış karde: İroni mudafiə sənaye bə qıləy vey bə inkişof rəsə sənaye əvəz bıə ki həmzəman bə co qılə baxşon əcumlə texnoloqiya və muhəndesi baxşon həm komək kardeydə, və ım sənaye, de silohinə ğıvvon ehtiyacon təmin kardey və İroni bə barzə vırə rosniye vositə, İroni mudafiə zumandətiədə vey muhimmə roli ifoəkəy və nezə vəomeyədə karde bəznemon mudafiə sənaye baxşədə İroni iğtisodi baxşiro, komiləkə koon zəminə bıbu.